Songs and ballads
Sung by Kevin McKidd
Bonnie Henry Gordon
Music and lyrics by Paul Anderson.
1: O' Gordon lands are broad and fair
And the Gordon's they are mighty o'
In a' the North the boldest blade
Was Bonnie Henry Gordon o.'
2:
At Craibstaine fecht near Aiberdeen
Forbes he was captured o'
In iron bands tae Knock Castle lands
He was taen by Henry Gordon o.'
3: The war wis ower and peace proclaimed
But Forbes cried for vengeance o'
And he swore gin the sna
melts on Lochnagar
He wad murder Henry Gordon o.'
4: Years went by Knock met a lass
Strathgirnoc's Bonnie Annie o'
Wi flame Reid hair beyond compare
She had taen the hert o' Gordon o'.
5: Strathgirnoc loed his daughter dear
But for Gordon naught but hatred o'
Till hell froze oer he'd neer consent
Tae let her merry Gordon o'.
6: The pair were we'd in a forest glade
On the Braes o' Craigendarroch o'
Fan Forbes heard the news he cried
Bring me the heid o' Gordon o.'
7: Ride oot ride oot ma bonnie lads
Knock Castle we maun harry o'
Wi dirks and broadswords in our hans
We will slaughter Henry Gordon o.'
8: On the banks o' Dee by Coilacriech
They cam upon their quarry o'
And the sword and lance they caused tae dance
Doon ower the heed o' Gordon o'.
9: But the men o' Mar are roch and bold
And never flinch fae fechtin' o'
Wi broadsword snell 4 Forbes fell
By the hand o' Henry Gordon o'.
10: Strathgirnoc's hate was great indeed
His Claymore it was thirsty o'
Wi mighty blow he claimed his foe
And murdered Henry Gordon o'.
11: When Annie heard the news she cried
A curse upon ye father o'
Ye broke the hert o' yer daughter dear
By killing Henry Gordon o'.
12: Their beens they lie by Glenmuick Kirk
The Laird o' Knock and Annie o'
Two lovers herts they couldna' pairt
She sleeps wi Henry Gordon o.'
Sung by Shona Donaldson
Light of the West (Hymn)
Words and lyrics by Paul Anderson
1. Cross the sea to fair Iona
Isle of Saints and King's of Old
In the darkness Light is shining
Word of Christ shall ever guide.
2. Hear us Lord our God in Heaven
Guide our thoughts to peace and love
In the footsteps of our saviour
Dove of Christ shall ever guide.
3. Come all pilgrims to Iona
Light of the West burning bright
His word a beacon to all Nations
Blessed Saint shall ever guide.
Sung by Shona Donaldson
The Bonnie Banks o' Dee
Music and lyrics by Paul Anderson
1. A drover lad I cam fae Tarland
Lang miles the Falkirk tryst tae see
Up ower Culblean the beasts I'd driven
Tae the bonnie banks o' Dee.
2. A song tae settle doon my cattle
A song my haert fae care tae free
Kye bedded doon by Tullich toon
Near by the bonnie banks o' Dee.
3. A lass she stopped nearby tae listen
A Tullich quine o' high degree
An ither lass could neer surpass
Her beauty on the banks o' Dee.
4. (Chorus) Come tae me my bonnie lassie
Come sit ye doon upon my knee
We'll sing the aul rif sangs the gither
By the bonnie banks o' Dee.
5. She sat by me we sang the gither
She spent the lea lang nicht wi me
Her gowden hair like theeds o' sunlicht
Her een as blue's the pools o' Dee.
6. Neest mornin' as we lay the gither
We swore tae meet and married be
I held her close then kissed her lips
Then painted on the banks o' Dee.
7. Fan I returned wi gear and siller
Tae Tullich toon tae bide a wee
My lass had wed a wealthy fermer
Fae near by the banks o' Dee.
8. Fan larks an' linties fill the gloamin'
An air hums wi the honey bee
My auld haert dirls I hear it still
Her singing on the banks o' Dee.
9. Come tae me my bonnie lassie
Come sit ye doon upon my knee
We'll sing the aul rif sangs the gither
By the bonnie banks o' Dee (repeat chorus)